کهن ترین لالایی جهان با قدمت چهارده هزارساله به زبان کردی باستان (اوستایی)
ارسال نظر برای این مطلب
درباره ما
اطلاعات کاربری
دانلود موزیک ویدئو جدید و بسیار زیبای کارگر به نام له حالم مه پرسه .... پخش کاملا اختصاصی نظرسنجی
فرقی هست بین این سایت.بابقیه سایتها./؟//؟/؟/؟
آمار سایت
کدهای اختصاصی
قڕمان ده‌كه‌ن؟تا چرای ئێمه نه‌سووتێ...
(ئه‌و گه‌له‌ی گه‌لێكی تر ده‌چه‌وسێنێته‌وه خۆی ناحه‌سێته‌وه)
بیرمه‌ندێك
تا چرای ئێمه نه‌سووتێ،
ئێوه هه‌رگیز ڕووناكایی
نابینن به چاوی خۆتان.
تا ئێمه دیل و كۆیله بین،
هه‌ر كۆت و نیر،
تۆق و زنجیر ده‌كه‌ین بۆتان!
* * *
قوڕتان به سه‌ر!
دوای مردنیش،
لی ناگه‌ڕێین
نیشتمانمان بكه‌ن به ماڵ.
لێ ناگه‌ڕێین
گۆشتمان بخۆن وه‌ك قه‌ل و داڵ.
گه‌ر هیچ نه‌بێ
ده‌بینه خاڵۆزه‌ی بێستان،
زیوانی ناو ده‌غڵ و دانتان.
ده‌بینه لم،
ده‌چینه ناو پارووی نانتان.
ده‌بینه مار،
په‌پكه ده‌خۆین له‌ناو نوێنتان.
ده‌بینه شێرپه‌نجه و میكرۆب،
گه‌را ده‌خه‌ین له‌ناو خوێنتان.
ده‌بینه كوان،
هه‌رده‌مه‌و له جێیه‌ك ده‌ردێین.
ده‌بینه ژان،
له سه‌د لاوه تێتان وه‌ردێین.
ده‌بینه زێرووی هه‌زارپێ،
ده‌م گیر ده‌كه‌ین له گه‌رووتان.
ده‌بینه تامیسكه‌ی سه‌ر لێو،
باپشكێوی سه‌ر پێڵووتان.
شایی بكه‌ن - ده‌یكه‌ین به شین.
پرسه دانێن - كاستان ده‌كه‌ین به پێكه‌نین!
ده‌بینه له‌كه‌ی زمان و تانه‌ی سه‌ر چاو.
ده‌بینه مووی ناو خۆراك و خڵته‌ی ناو ئاو!
تا چرای ئێمه نه‌سووتێ،
ئێوه هه‌رگیز ڕووناكایی
نابینن به چاوی خۆتان.
تا ئێمه دیل و كۆیله بین،
هه‌ر كۆت و نیر،
تۆق و زنجیر ده‌كه‌ین بۆتان!